Son günlər Suriya ordusu və kürd mücahidləri qarşısında xeyli mövqe itirən İraq-Şam İslam Dövləti (İŞİD) terror qruplaşması əks-hücuma keçmək üçün nəzarətdə saxladığı ərazidə 14 yaşına çatmış bütün kişiləri səfərbərliyə çağırıb.
Modern.az xarici mətbuata istinadən xəbər verir ki, siyahıya alınan bütün kişilər yaxın günlərdə İŞİD-in özünə paytaxt elan etdiyi Rakka şəhərində toplaşmalıdır.
Ərəbistan KİV-inin məlumatına görə, cəbhədə ağır duruma düşən İŞİD səfərbərliyi zorakılıq yolu ilə həyata keçirir. Qruplaşma sıralarına qatılmaq istəməyən gənclər isə səyyar məhkəmələrin qısa müddətli iclaslarından sonra güllələnirlər.
