Türkiyənin Antalya şəhərində keçiriləcək G-20 Liderlər Zirvəsində iştirak etmək üçün bu şəhərə gələn ilk lider Səudiyyə Ərəbistanının kralı olub. Cebhe.info xəbər verir ki, Kral Salman Bin Əbdüləzi Antalya hava limanına özəl təyyarəsi ilə gəlib. Onu hava limanında daha əvvəl Antalyaya gələn şahzadə Tələt və ölkənin yüksək rütbəli məmurları qarşılayıb. Kralın əşyaları 16 yük maşını və 65 Mercedes markalı maşınla daşınıb. Ancaq bunlar kifayət etmədiyinə görə kral üçün daha 400 Mercedes kirayələnib.
Kral və nümayəndə heyəti üçün kirayələnən maşınlar xüsusi zirehdən hazırlanıb və ciddi yoxlamadan keçib.
Kral Türkiyəyə min nəfərlik heyətlə gəlib. Nümayəndə heyəti azərbaycanlı iş adamı Telman İsmayılovun Antalyadakı qalmaqallı otelində qalacaq. Kral nümayəndə heyətinin hər gün üçün xərcinin 1 milyon dollardan artıq olacağı bildirilir. Onlar üşün 600 xüsusi ootaq hazırlanıb. Telman İsmayılov kralı qızıl yarpaqlı şirniyyata qonaq edəcək.
