“Yuventus” futbol klubunun sabiq baş məşqçisi Antonio Konte İtaliya yığma komandasının baş
məşqçisi təyin olunub.
məşqçisi təyin olunub.APA-nın İTAR-TASS agentliyinə istinadən verdiyi xəbərə görə, müqavilə 2016-cı ilin iyulunadək bağlanıb.
45 yaşlı mütəxəssis Antonio Konte Dünya Çempionatından sonra istefaya getmiş Çezare Prandellini əvəzləyib.
Konte “Yuventus” klubunda baş məşqçi postunu iyulun 15-də tərk etmişdi. Onun başçılığı altında “Qoca sinyora” dalbadal üç dəfə İtaliya çempionu olub.
Xatırladaq ki, İtaliya milli komandası Avro-2016-nın seçmə mərhələsində Azərbaycanla eyni qrupda yer alır.
