Əgər Rusiya hərbi təyyarələri Ukrayna hava məkanını pozsalar, o zaman Kiyev də Türkiyə kimi addım atacaq.

Bunu jurnalistlərə açıqlamasında Ukrayna Təhlükəsizlik və Müdafiə Şurasının Baş katibi Aleksandr Turçinov söyləyib. Onun sözlərinə görə, Türkiyə bundan öncə dəfələrlə Rusiyanı xəbərdar edib:

“Rusiya təyyarəsinə atəş açmazdan öncə Türkiyə dəfələrlə Moskvaya xəbərdarlıq edib ki, hava məkanının hərbi təyyarələrlə pozulması qəbuledilməzdir. Hücumdan əvvəl pilota bir neçə dəfə xəbərdarlıq edilib və yalnız bundan sonra həmin təyyarə vurulub”.

Qeyd edək ki, bu gün Rusiya təyyarəsi Türkiyə sərhədini pozduğuna görə türk hərbçiləri tərəfindən vurulub.