Gürcüstan müxalifəti iqtidarda olan “Gürcü arzusu” koalisiyasının “Qazprom”la əməkdaşlığına etiraz olaraq aksiya keçirib.
Publika.az Gürcüstan müxalifətinə istinadən xəbər verir ki, “Vahid Milli Hərəkat” partiyasının fəalları Energetika Nazirliyinin qarşısına toplaşaraq “Qazproma yox!” şüarını səsləndirib.
“Qazprom” əleyhinə şüarları nazirliyin yaxınlığındakı körpüdən asmaq istəyən müxalifətçilərlə polis arasında toqquşma baş verib.
Qeyd edək ki, Gürcüstan iqtidarının “Qazprom” şirkəti ilə gizli danışıqlara getməsi ölkə müxalifətinin ciddi narazılığına səbəb olub. Müxalifət Rusiyanın Gürcüstan bazarına girməsini iqtidarın gürcü torpaqlarını işğal edən dövlətlə əməkdaşlıq etməsi kimi qiymətləndirilər. “Vahid Milli Hərəkat” partiyası Azərbaycan qazının Rusiya qazı ilə əvəz olunmasına etiraz edir.
