“Rusiyaya edilən iqtisadi sanksiyalr ilk növbədə Ermənistana ciddi təsir göstərəcək”. Bunu Moderator.az–a açıqlamasında iqtisadçıalim, İctimai Təşəbbüslər Mərkəzinin rəhbəri Qubad İbadoğlu deyib. Onun sözlərinə görə, Rusiyaya edilən sanksiyalar təkcə Rusiyaya deyil, bəzi postsovet ölkələrinə, o cümlədən Ermənistanla azərbaycana da öz mənfi təsirini göstərəcək:“Çünki bu sanksiyalardan ən çox əziyyət çəkən sektor ticartə sektoru olduğundan və bu sektorda çalışanlarında əksəriyyəti azərbaycanlı və digər Qafqaz xalqlarının nümayəndələrinin olduğunu nəzərə alsaq, onda mənzərə aydın olar. Sanksiyalar nəticəsində müəyyən məhdudiyyətlər yaranacaq və bu sektorda çalışanların xərcləri artacaq, gəlirləri isə azalacaq. Bu da öz növbəsində maliyyə transfertlərinə öz təsirini mənfi göstərəcək.”
İqtisadçı alim bildirdi ki, Ermənistanda fərqli olaraq Azərbaycan öz resursları hesabına ona dəyə biləcək təsirlərdən qurtula biləcək:
“Amma Ermənsitanın əsas idxal partnyoru Rusiya olduğundan ağır və acınacaqlı iqtisadi durumu olan Ermənistanın vəziyyətini bir az da çətinləşəcək.”
İqtisadçı alım son dövrlərdə Ermənistan tərəfinin müharibə ritorikası ilə bağlı verilən açıqlamalara da aydınlıq gətirərək bildirdi ki, bu gün Ermənistanın müharibə aparmaq üçün nə iqtisadi, nə də mənəvi gücü yoxdur:
“Əgər hərbi əməliyyatlar başlayarsa, ölkənin bərbad vəziyyətdə olan durumu daha da ağırlaşacaq və ağıq sosial vəziyyəti daha da gərginləşdirəcək. Onsuz da Ermənistanın acınacaqlı iqtisadi durumu ölkə əhalisinin yaşamını cəhənnəmə çevirib. Müharibə isə əlavə xərclər və məhdudiyyətlər deməkdir. Belə olarsa ilk növbədə Ermənistan cəmiyyətində ciddi parçalanma oalcaq və ölkənin iqtisadi durumu böhran vəziyyətinə düşəcək.”
