PKK-nın Suriya qolu PYD/YPG-ni terror təşkilatı kimi tanımayan ABŞ-in bu təşkilatı 2013-cü ilə qədər terrorçu saydığı üzə çıxıb.
Avropa.info Türkiyə mediasına istinadla xəbər verir ki, 2013-cü ilə qədər ABŞ Milli Terrorla Mübarizə Mərkəzinin bütün sənədlərində və internet saytında PYD/YPG-nin adının PKK-nın Suriya qolu olaraq keçməsi aşkarlanıb.
ABŞ hökumətinin terrorla əlaqədar əldə etdiyi bütün kəşfiyyat məlumatlarını bir araya gətirən və analiz edən Milli Terrorla Mübarizə Mərkəzinin (NCTC) internet saytında “terror qrupları” başlığı altında PKK təşkilatı haqqındakı məlumatlar Kongra-Gel (KCK) başlığında verilir.
Həmin məlumatlarda daha əvvəl PKK olaraq bilinən KCK-nin İraqın şimalı və Türkiyənin cənub-şərqində fəaliyyət göstərən separatçı bir qrup olduğu ifadə edilir. Təşkilatın 1984-cü ildə silahlı fəaliyyətə başladığı və bu səbəbdən 45 min adamın həyatını itirdiyi qeyd olunub.
Məlumatın son hissəsində isə KCK-nin Suriyanın şimalında fəaliyyətini artırdığı ifadə edilir və PYD/YPG KCK-nin (əvvəlki PKK) Suriya qolu olaraq göstərilib. Həmin hissədə qeyd olunur ki, PYD-nin Suriyanın şimalı boyunca yerləşən bölgələrə nəzarət etməsi Türkiyənin təhlükəsizliyinə təhdiddir.
Qeyd edək ki, PYD/YPG ABŞ Milli Terrorla Mübarizə Mərkəzinin 2013-cü ildəki sənədlərində terror təşkilatı kimi göstərilsə də, 2014 və 2015-ci il məlumatlarında bu terror təşkiıatı haqda informasiya verilmir. 2015-ci ildə ABŞ Milli Terrorla Mübarizə Mərkəzinin yaydığı illik məlumatda PYD/YPG-nin adının 124-cü səhifədə göstərildiyi haqda məlumat verilməsinə baxmayaraq, 124-cü səhifədə bu terror təşkilatı haqda heç bir informasiya yoxdur.
