İŞİD bomba hazırlanmasında istifadə edilən komponentləri 20 ölkədən alır.
Bu sözlər Böyük Britaniyanın “Konflikt Armament Risöç” təşkilatının hesabatında yer alıb. Hesabata əsasən, İŞİD-ə bomba hazırlanması üçün gərəkli olan komponentləri Türkiyə, Hindistan, Yaponiya, İsveçrə, ABŞ və digər ölkələrin 51 şirkəti göndərir. Təşkilat Türkiyənin 13 şirkətinin İŞİD-ə yardım etdiyini də açıqlayıb.
Hesabatda Suriyaya bomba hazırlanmasında istifadə olunan komponentlərin göndərilməsində iştirakçı olan şirkətlərdən biri də “Marikem” kompaniyası göstərilir. Sonradan təşkilata açıqlama verən kompaniya öz məhsullarını yalnız Azərbaycana ixrac etdiyini, Suriya və İraqla heç bir əlaqəsinin olmadığını bildirib.
Qeyd edək ki, “Marikem” həm də Rumıniyadakı məşhur “Alba Alüminium” şirkətinin əsas tərəfdaşlarından biridir.
