Kiyev Rusiyaya qarşı sanksiyaların uzadılması üzrə “B planı”nı fikirləşib.

Bu barədə “Stratfor” kəşfiyyat-analitik şirkətinin hesabatında deyilir.

“Stratfor” belə nəticəyə gəlib ki, rəsmi Kiyev Avropanı Donbas sakinlərinin vətəndaşlıqdan məhrum edilməsi və işğal edilmiş ərazilərin statusu haqqında referendumun keçirilməsi ilə şantaj etmək istəyir.

Məsələ ondadır ki, Avropa Birliyinin Rusiyaya qarşı sanksiyaları 31 iyula qədər qüvvədədir. Bütün ölkələr, xüsusilə Macarıstan və İtaliya sanksiyaları uzatmağa hazır deyil. Birincisi, Minsk razılaşmaları yerinə yetirilməyib. İkincisi, Ukraynadakı mürəkkəb siyasi vəziyyət avropalıları utandırır. Analitiklər xatırladırlar ki, prezident Pyotr Poroşenko martın sonuna kimi ölkədəki fikir ayrılıqlarını nizama salmağa söz verib.

Ukraynadakı siyasi qeyri-sabit ona gətirib çıxarıb ki, Avropa Birliyinin Rusiya ilə münasibətləri yaxşı olan bəzi ölkələri Ukraynaya şübhə ilə yanaşır. Avropa Birliyinin bəzi üzv ölkələri Ukraynanı iqtisadi və siyasi islahatları uzatmaqda ittiham edir.

Analitiklərin sözlərinə görə, Kiyev sanksiyaları uzatmaq üçün hər cür ölçülərə təşəbbüs edir.

“Kiyev müxtəlif taktikalardan istifadə etməkdə davam edəcək. Bura diplomatik ölçülər, həmçinin  münaqişəni kəskinləşdirmək cəhdləri daxildir. Bununla belə, Avropa Birliyinin sanksiyalar üzrə qərarı Kiyevin təsir edə bilmədiyi bir çox amillərdən asılı olacaq”, – Amerika analitikləri yekunlaşdırıblar.