İstanbul, Ankara və Brüssel terrorları arasında heç bir fərq yoxdur. PKK, PYD və İŞİD arasında heç bir fərq yoxdur.
Bu sözləri Türkiyə Prezidenti Rəcəb Tayyib Ərdoğan ictimaiyyətə açıqlamasında deyib.
“İstanbul, Ankara və Brüssel terrorları arasında heç bir fərq yoxdur. PKK, PYD və İŞİD arasında heç bir fərq yoxdur. Ölən insandır. Dünya siyasəti ittifaq halında bu işin üstünə getməlidir. Brüsseldə hücumu təşkil edənlərdən biri ötən ilin iyununda Qaziantepdə tutulub və iyulun 14-də deportasiya edilib. Bununla bağlı Belçika səfirliyinə məlumat vermişik. Belçikalılar həmin şəxsi tutduqdan sonra azad edib. Onun terrorçu olduğunu desək də, Belçika buna məhəl qoymadı. Bu barədə hətta Hollandiyaya da məlumat vermişdik”, – Ərdoğan bildirib.
Qeyd edək ki, ötən gün Brüsselin “Zaventem” beynəlxalq hava limanında və metroda terror aktları nəticəsində 34 nəfər ölüb, 250 nəfər yaralanıb. Məsuliyyəti İŞİD öz üzərinə götürüb.
