Amerikada şər ruhları çağırmağın ən sadə yolu çoxlarını təəccübləndirə bilib.

ABŞ-a Meksikadan gələn “Şər ruh Çarlinin çağırılması” adlanan spiritik metod xüsusilə gənclər arasında məşhurdur.

Maraqlıdır ki, ruh çağırışları eşidir və cavab verir. Belə bir ehtimal da var ki, bu, sadəcə, Amerika psixoanalitiklərinin sosial şəbəkə fırıldaqlarından biridir. Məqsəd isə, öz pasientlərinin sayını artırmaqdır. Bir yandan isə şeytanın şahidlərin gözü önündə verilən sualı cavablandırması bu gün çoxlarını təəccübləndirir. Hətta skeptiklər belə Çrli adında şeytanın mövcudluğuna inanmağa başlayırlar.

Qeyd edək ki, Şər ruh Çarlinin çağırılması spiritik Uici lövhələri (şeytan lövhəsi) arasında ən sadəsidir. Bunun üçün yalnız ikicə karandaş və bir vərəq kağız lazımdır. Bir karandaşı o birinin üstündə tarazlayandan sonra “Çarli, Çarli, səninlə oynayaqmı?” – deyilir (Çarli qədim şər ruhlarından birinin adıdır). Sual verilir, karandaş isə kağızda qeyd olunmuş “hə” və “yox” sözlərindən birinə doğru hərəkət eləyir. Mərasimi bitirmək istəyəndə isə oyunçular: “Çarli, oyunu dayandıra bilərikmi”, – soruşur, sonra karandaşı yerə düşürürlər ki, ruhla əlaqəni kəssinlər.