Azərbaycan Milli Dirəniş Təşkilatının İşğal Olunmuş Qarabağ Hadisələriylə Bağlı Açıqlaması

Yayınlanmış olan xəbərlərə görə işğal olunmuş Qarabağ torpaqlarımızda Azərbaycan ordusu ilə işğalçı Ermənistan ordusu arasında silahlı qarşıdurma baş verib və nəticəsində bir neçə kənd ve yüksəkliklər düşmən işğalından azad edilmişdir. Bu xəbər Güney Azərbaycan Türkləri tərəfindən diqqətlə izlənilir. Güney Azərbaycan gəncləri və Azərbaycan Milli Hərəkətı baş verən hadisələri yaxından təqib edib hər vəziyyətə hazır olduqlarını söyləyirlər. 1991-1994-cü illər arasında yaşanan müharibədə Quzey Azərbaycanın Qarabağ və Qarabağ ətrafı olan 7 rayonu Ermənistan silahlı qüvvələri tərəfindən işğal edilmişdi. Təəssüf ki, o illərdə İran və Rusiya işğalçı Ermənistanın yanında yer aldılar. Son aylarda keçən 25 ildə olduğu kimi Putinin əmri ilə Ermənistan ordusu Rusiya ordusu tərəfindən təchizatlandırıldı. Rusiya ilə birlikdə İran mətbuatı da Ermənistanı dəstəkləyib və açıq bir şəkildə böyük bir qismi Şiə Müsəlman olan Azərbaycanlıları arxadan vurmuşdur. Hətta o torpaqları Erməni torpağı kimi də tanıyırlar. İran və Rusiyanın Suriyadakı uğursuzluqları onları Türkiyəyə qarşı birlikdə hərəkət etməyə sövq etmişdir. Türkiyəyə qarşı PKK və PYD terrorist qruplaşmalarını hər mənada dəstəkləyib və dəstəkləməyə davam edirlər. Bunu etməklə onların niyyəti Türkiyədə bir iç böhran yaratmaqdır. İran və Rusiyanın bu siyasətlərinə qarşı Azərbaycan dövlətinin açıq bir şəkildə Türkiyənin yanında yer alması Tehran və Moskva tərəfindən bir mənalı qarşılanmadı. Bu səbəbdən Suriyadakı yaşanmış olan hadisələrdən faydalanaraq işğal olunmuş Qarabağ torpaqlarına Suriyadakı kürtləri və Erməniləri yerləşdirmişlər. Ayrıca terrorist qruplaşmalar üçün o torpaqlarda əlverişli şərait yaradıblar. Tehran və Moskovanın açıq şəkildə cinayətkar Ermənistan dövləti tərəfində yer almış olmaları bölgənin siyasi vəziyyətini daha da gərginləşdirir. Onların himayədarlığı sayəsində Quzey Azərbaycanın torpaqlarının 20 faizi hələ də işğal altındadır. Öz torpaqlarının bütövlüyünü bərpa etmək və qorumaq hər dövlət kimi Azərbaycanın da məşru haqqıdır. Azərbaycanın bu yoldakı tutumunu beynəlxalq hüquq da dəstəkləyir. Şimali Azərbaycan və Türkiyədəki bu son hadisələr bilavasitə Güney Azərbaycanlıları qayğılandırır və bu hadisələr Güney Azərbaycanlıların gözündən yayınmır.

Biz Azərbaycan Milli Dirəniş Təşkilatı olaraq bildiririk ki Qarabağdakı son yaşanan silahlı qarşıdurmalara səssiz qalmayacağıq. Bugün Güney Azərbaycanın bütün şəhərləri və kəndləri Şimali Azərbaycanlı qardaş və bacılarının yanındadır və onları bu yolda bütün imkanları ilə dəstəkləyəcəklər və İran dövlət xadimlərindən istəyirik ki, keçən dəfə sərgilədikləri yanlış siyasətə qarşılıq, bu hadisələr qarşısında açıq şəkildə öz mövqelərinə bəyan edərək Müsəlman Azərbaycanlıların yanında yer alsınlar.

Babək Çələbiyanlı

Azərbaycan Milli Dirəniş Təşkilatının Sözçüsü