Ermənistanın “Astxik” tibb mərkəzində aprel ayının əvvəlində Dağlıq Qarabağda gedən döyüşlərdə yaralanan erməni hərbçilərdən biri ölüb.
Ermənistan KİV bildirir ki, bunu ölkənin səhiyyə naziri Armen Muradyan deyib.
Onun sözlərinə görə, güllə onun baş nahiyəsindən dəyib və tibbi tədbirlərə baxmayaraq, yaralı əsgəri xilas etmək mümkün olmayıb. Nazir ölən hərbçinin adını açıqlamayıb.
Bundan başqa nazir cəbhəyə könüllü gedən iki nəfərin ağır yanıq xəsarətlər aldığını və həkimlərin müdaxiləsindən sonra xilas edildiyini də əlavə edib: “Lakin onların yenidən əməliyyata ehtiyacı var”.
