“Bir neçə gündən sonra Türkiyə prezidenti Rəcəb Tayyib Ərdoğan rusiyalı həmkarı Vladimir Putinlə telefon vasitəsilə ilə danışacaq”.

Bunu Türkiyənin baş naziri Binali Yıldırım TRT kanalına müsahibəsi zamanı deyib. Onun sözlərinə görə, bunula da tərəflər baş verən bütün xoşagəlməz halları unudacaq və tərəfdaşlığı iqtisadiyyat, turizm, investisiya və qalan bütün sahələrdə davam etdirəcəklər.

Türkiyə Rusiyaya vurulan “Su-24” təyyarəsinə görə təzminat ödəyə bilər – deyən Binali Yıldırım bildirib ki, proses faktiki olaraq başlayıb:

“Bu gün, sabah, bəlkə də, çərşənbə, bəlkə də, cümə günü Putinlə prezident Ərdoğan arasında telefon danışığı baş tutacaq. 6 ayda baş verənləri baş verməmiş kimi qəbul edib, harada qalmışdıqsa, elə oradan yola davam edəcəyik. Gərək olarsa, təzminat verəcəyimizi, münasibətlərin normala dönməsini arzu etdiyimizi ifadə edirik. Bu, təktərəfli yox, qaraşılıqlı iradədir”.