Atatürk Hava Limanındakı terror aktını İŞİD törədib.
Bunu Türkiyənin baş naziri Binəli Yıldırım deyib.
Baş nazir vurğulayıb ki, ən qısa zamanda terror aktı ilə bağlı ətraflı məlumat veriləcək. O, diqqətə çatdırıb ki, əlamətlərinə görə, bu terror İŞID tərəfindən törədilib.
Türkiyənin Baş naziri Binəli Yıldırım İstanbul Atatürk Hava Limanının fəaliyyətinin bərpa olunduğunu söyləyib. Terror aktı nəticəsində ölən və yaralananlar arasında xarici ölkə vətəndaşları da var.
Son məlumata görə, üç terrorçu-kamikadzenin hava limanına hücumu nəticəsində 36 nəfər ölüb, 147 nəfər yaralanıb.
