Rusiya prezidenti Vladimir Putin Dövlət Duması tərəfindən qəbul edilməmiş və Federasiya Şurası tərəfindən bəyənilməmiş qanunu imzalayıb.
RBK xəbər verir ki, Putinin Milli Qvardiyanın yaradılması ilə bağlı imzaladığı qanunlardan birinin mətni Dövlət Duması tərəfindən qəbul edilmiş və Federasiya Şurası tərəfindən bəyənilmiş qanunun mətnindən fərqlidir.
Məlumata görə, fərq özünümüdafiə odlu, habelə ov, idman və pnevmatik silahın saxlanılması üçün verilən icazənin müddəti ilə bağlıdır. Belə ki, parlamentin qəbul etdiyi sənəddə bu müddət 10 il, prezidentin imzaladığı sənəddə isə 5 il göstərilib.
Putinin mətbuat katibi Dmitri Peskov bildirib ki, hazırda bununla bağlı araşdırma aparılır.
