Almaniyanın keçmiş nasist hökumətinin təxminən 2 min 500 belçikalı üzvünə hər ay təqaüd ödədiyi məlum olub.
Axar.az xəbər verir ki, məsələ 1941-1945-ci illərdə Hitlerin milliyyətçi siyasətindən zərər görmüş belçikalılar tərəfindən gündəmə gətirilib.
Məlumata görə, İkinci Dünya müharibəsi zamanı ayrı-seçkiliyə məruz qalan şəxslər həmin təqaüdlərin dayandırılmasını və bu işdə əli olan hər kəsin adlarının ictimaiyyətə açıqlanmasını tələb edib.
Qeyd edək ki, Belçikanın Sosial Müdafiə naziri Daniel Bakuelayn məsələ ilə bağlı araşdırmaların aparılacağını ifadə edib.
