““Qafqaz” Universitetinin bağlanması barədə xəbəri Təhsil Nazirliyindən aldıq. Bununla bağlı bizə rəsmi məlumat verilməyib”.

Bunu  açıqlamasında Qafqaz Universitetinin mətbuat xidmətinin rəhbəri Ceyhun Vəliyev deyib.

“Universitetin bağlanması ilə işçilərə, tələbələrə, ümumiyyətlə heç kimə açıqlama verilməyib. Biz də bu barədə mətbuatdan oxuduq. Yeni məlumat olsa, ictimaiyyətə açılanacaq. “Qafqaz” universitetinin təsisçisi SOCAR-dır. Tələbələrin hara köçürüləcəyi barədə hazırda heç bir məlumat yoxdur. Hər kəsin narahatlığını başa düşürük”.

Qeyd edək ki, “Qafqaz” Universitetinin Universitetinin təsisçisi Azərbaycan Respublikasının Təhsil Nazirliyinə müraciət edərək bu gün universitetin bağlanması haqqında qərar qəbul olunduğu barədə məlumat verib.

Müvafiq rəsmi sənədlər Nazirliyə daxil olduqdan sonra universitetdə təhsil alan tələbələrin təhsillərinin davam etdirilməsini təmin etmək məqsədilə Təhsil Nazirliyi tərəfindən müvafiq işçi qrupu yaradılacaq və onların yerləşdirilməsi prosesi aparılacaq.

Göründüyü kimi, “Qafqaz” Universitetin fəaliyyəti SOCAR tərəfindən dayandırılıb.