Rusiyanın paytaxtı Moskvada güclü partlayış baş verib.
Partlayış “Voykovski” metrostansiyasının yaxınlığında, yeraltı keçiddə qeydə alınıb.
Moskvanın hüquq-mühafizə orqanlarının məlumatına görə, ərazi polis əməkdaşları tərəfindən nəzarətə götürülüb, keçiddən insanlar təxliyyə ediliblər.
Zərər çəkənlər barədə məlumat verilməyib.
Şahidlərin sözlərinə görə, hadisə yerindən güclü qaz qoxusu gəlir. “Mosqaz” əməkdaşları da bu məlumatı təsdiqləyiblər.
Partlayışın gücündən 2 metrə qədər ərazinin tamamilə dağıldığı bildirilib.
