Ədliyyə Nazirliyi Penitensiar Xidmətdə (PX) kadr dəyişikliyi olub.
APA-nın məlumatına görə, Ağaəli Xəlilov PX-nın uzun müddət boş qalan Təsərrüfat İdarəsinin rəisi vəzifəsinə təyin edilib. A. Xəlilov bundan əvvəl Saatlı rayon Polis Şöbəsinin rəisi vəzifəsində çalışıb.
Bundan başqa, Əflatun Məmmədov PX-nın Kadrlar İdarəsinin rəisi təyin edilib.
Bizimyol.info xəbər verir ki, Penitensiar Xidmətdə Təsərrüfat İdarəsinin rəisi vəzifəsinə təyin edilən Ağaəli Xəlilov, Milli Məclisin deputatı Rüstəm Xəlilovun qardaşıdır.
Bununla bağlı açıqlama verən deputat Rüstəm Xəlilov təyinatın bir müddət əvvəl baş tutduğunu bildirib: “Bəli, təyinat bir müddət əvvəl baş tutub. Ağaəli Xəlilov mənim qardaşımdır. Çox layiqli oğuldur. Polis rəisi işləyib. Ağaəli müəllimə işlərində uğurlar arzulayıram”.
