Futbol üzrə Azərbaycan millisinin keçmiş baş məşqçisi Karlos Alberto Torresin vəfatı ilə əlaqədar Braziliyada 3 günlük matəm elan olunub.
Xarici KİV xəbər verir ki, tanınmış futbolçu ilə vida mərasimi Braziliya Futbol Konfederasiyasının (CBF) inzibati binasında keçiriləcək.
CBF-nin qarşısındakı bayraqlar endiriləcək, ölkə çempionatında oynanılacaq görüşlər isə 1 dəqiqəlik sükutla başlayacaq.
Qeyd edək ki, K.A. Torres ötən gün 72 yaşında infraktdan vəfat edib.
K.A.Torres Braziliya millisi ilə 53 oyuna çıxıb. Onun kapitanı olduğu yığma 1970-ci ildə dünya çempionu olub.
