Liviya İŞİD terror təşkilatı üçün yeni plasdarma çevrilə bilər.
Axar.az xəbər verir ki, bu barədə informasiya Avropa Polis Agentliyinin (Avropol) hesabatında yer alıb. Hesabata əsasən, Liviya Avropa Birliyi və Şimali Afrikaya hücumların təşkili üçün yeni dayaq məntəqəsi funksiyasını öz üzərinə götürəcək:
“2015-ci ilin ortalarından etibarən Liviyaya İŞİD döyüşçülərinin axını artıb. Bunlar arasında kifayət qədər avropalı döyüşçülər də var. İŞİD hələ də bu ölkədə güclü mövqeyə sahibdir. Terror təşkilatı ölkədə böyük miqdarda silah ehtiyatına malikdir”.
