Hakerlər Rusiya banklarının Mərkəzi Bankda yerləşən hesablarından 2 milyard rubl oğurlayıblar.
Bu barədə informasiyanı CNN telekanalı Rusiya Mərkəzi Bankına istinadən yayıb.
Bankın açıqlamasına görə, hakerlər 5 milyard rubl pul oğurlamağı planlaşdırsalar da, buna imkan verilməyib. Kiberhücumun nə zaman təşkil edildiyi haqqında heç bir məlumat yayılmayıb.
Qeyd edək ki, Rusiya Federal Təhlükəsizlik Xidməti bir neçə gün əvvəl ölkə maliyyə sisteminin çökdürülməsi üçün Qərb ölkələrinin kiberhücumlar hazırladığını bildirib. FSB bu hücumların Niderlanddan təşkil ediləcəyini söyləyib.
