İran parlamenti ABŞ istehsalı geniş yayılmış mallarının idxalının qadağan olunması haqqında qanun qəbul edib
Bu barədə İran televiziyası xəbər yayıb.
Məlumatda bu addımın ABŞ Konqresində İrana qarşı sanksiyaların müddətini daha 10 il müddətinə uzadılması qərarına simmetrik cavab olduğu bildirilir.
Deputatlar qanun layihəsini yekdilliklə qəbul ediblər.
Qeyd edək ki, ABŞ prezidenti Barak Obama Konqresin hər iki palatasının İrana qarşı qəbul etdiyi sanksiyaların 10 il uzadılmasına dair qanunu imzalamaq niyyətində olduğunu bildirib.
1996-cı ildə İranın nüvə proqramına qarşı qəbul edilən qanunun icrasının müddəti bu ilin dekabrında bitir.
