Dekabrın 18-də Türkiyənin böyük şəhərlərində, o cümlədən Şırnak, Antalya, Diyarbakır və Yüksekovada Kürd Fəhlə Partiyası (PKK) terrorçu təşkilatının ölkədə törətdiyi qanlı terror aktlarına etiraz olaraq yürüş-mitinqlər keçirilib.
Azərtac xəbər verir ki, küçə və meydanlara çıxan milyonlarla dinc sakin terror əleyhinə şüarlar səsləndirib. “Vətən sənə canım fəda”, “Rədd olsun PKK”, “Şəhidlər ölməz, Vətən bölünməz”, “Türk və kürt qardaşdır, PKK şərəfsiz” kimi şüarlarla saatlarla keçələrdə yürüş edən insanlar hökumətdən terrorçulara qarşı daha kəskin mübarizə aparmağı tələb ediblər.
