“Ermənistandan sığınacaq istəyən Şahin Mirzəli Milli Şuranın üzvü olub”.
Bunu Milli Məclisin bu gün keçirilən plenar iclasında hakim Yeni Azərbaycan Partiyasının (YAP) icra katibinin müavini Siyavuş Novruzov deyib.
S.Novruzov bildirib ki, Şahin Mirzəli Azərbaycanda 2013-cü ildə keçirilən prezident seçkilərində Milli Şuranı dəstəkləyib.
“İndi Ermənistandan sığınacaq alıb. Kimlərin satqın olduğu aydın görünür. Baxın, görün satqınlar Azərbaycana rəhbərlik etmək eşqinə düşüb. Onların ətrafında olanlar bu gün Ermənistan vətəndaşlığını böyük məmnuniyyətlə qəbul etmək istəyənlərdir. Bu cür vətən xainlərinə qarşı mübarizə aparmalıyıq, qətiyyətli olmalıyıq. Biz bunlara son qoymalıyıq”,-deyə YAP icra katibinin müavini vurğulayıb.
