Türkiyədə hərbi hissədə 150 əsgər zəhərlənib.
ANS PRESS-in məlumatına görə, hadisə Tekirdağın Malkara bölgəsindəki hərbi birləşmələrdən birində qeydə alınıb. Axşam yeməyindən zəhərləndikləri iddia edilən 150 əsgər, ürəkbulanma, qusma və baş gicəllənməsi şikayətiylə xəstəxanaya aparılıb.
Əsgərlərin bir hissəsi müalicələ aldıqdan sonra hərbi hissəyə göndərilib. Yerdə qalan hissə isə həkim nəzarətində saxlanılıb. Həkimlər 3 əsgərin vəziyyətinin ağır olduğunu nəzərə alaraq Tekirdağ Dövlət Xəstəxanasına göndəriblər.
Hərbi ekspertiza əsgərlərin yediyi axşam yeməyindən nümunə götürərək araşdırma aparmağa başlayıb. Faktla bağlı istintaq başladılıb və araşdırmalar aparılır.
