Ronaldinyonun yeni klubu bəlli olub.
ANS PRESS-in məlumatına görə, 34 yaşlı braziliyalı yarımmüdafiəçi bundan sonra karyerasını Meksikada davam etdirəcək. Ronaldinyo Meksikanın “Keretaro” klubu ilə müqavilə imzalayıb. Futbolçu yeni klub ilə iki illik razılaşma əldə edib.
“Keretaro” Meksika liqasında 7 turdan sonra aktivindəki 10 xalla çempionatda 8-ci yerdə qərarlaşıb.
Qeyd edək ki, Ronaldinyo son olaraq “Atletiko Mineyro” klubunun formasını geyinib. Futbolçu azad agent statusu ilə “Keretaro”ya transfer olub.
