5 min kvadrat kilometrlik bir buz parçası Antartikada buz dağından qopmaq üzrədir.
Axar.az xəbər verir ki, alimlər dünyada ilk dəfə olaraq ABŞ-ın Delaver ştatı böyüklüyündə olan bir kütlənin buzlaqdan qopmasının hər an reallaşacağını bildirib. Buzlaq 6 gün ərzində 17 km əriyib və onun buzlaqdan tam ayrılması üçün daha 13 km əriməsi lazımdır.
Alimlərin fikrincə, aysberqin tamamilə qopmasına mane olmaq mümkün deyil. Alimlər həmçinin qeyd edib ki, bu, xüsusi təhlükə yaratmır və nəhəng buz parçasının dəniz səviyyəsinin yüksəlməsinə təsiri mümkün deyil.
