Xəbər verdiyimiz kimi M.Mirqasımov adına Respublika Klinik Xəstəxanasının həkimləri tərəfindən yenicə doğulmuş 7 körpənin öldürülməsi və torbalara qoyularaq Hövsan qəsəbəsindəki kimsəsizlər qəbristanlığında basdırılması ilə bağlı məlumatlar yayılıb.
“Qaynarinfo” məsələ ilə bağlı məlumat almaq üçün Respublika Klinik Xəstəxanası ilə əlaqə saxlayıb. Xəstəxananın baş həkiminin müavini Mahir Babayev “yanımda yoldaşlar var deyə cavab verə bilmirəm” deyib telefonu üzümüzə söndürdü.
Səhiyyə Nazirliyindən isə “Qaynarinfo”ya məsələ ilə əlaqədar araşdırma aparıldığı və qısa zamanda bununla bağlı açıqlama veriləcəyi bildirildi.
