ƏTAĞA CƏDDİ, BİZƏ TANRIDAN YARDIMÇI OL!
El arasında Ətağa kimi tanınan Mirmövsüm Ağa yaşamını, ömrünü Allah yolunda qurban verib Ona yaxınlaşmağa nail olan qutsal şəxslərdən – övliyalardandır . Mirmövsüm Ağanın kiçik bacısı Zeynəbxanımın həyat yoldaşı Qafqazın 8-ci , Azərbaycan Demokratik Respublikasının ilk şeyxülislamı Axund Molla Ağa Əlizadə Azərbaycan Milli Elmlər Akademiyasının (AMEA) indiki prezidenti Akif Ağamehdi oğlu Əlizadənin babasıdır . Başqa sözlə, elm ocağının başçısı övliyalar ocağındandır .
Akademik Akif Əlizadənin övliyalar nəslindən olmasını 40 il öncədən duyurduq. Gənc mütəxəssis kimi AMEA-da işə başladığımız Xüsusi Konstruktor Bürosuna gedən yol Akif müəllimin direktoru olduğu Geologiya İnstitutunun qarşısından keçirdi. Hərdən həyətdə gəzişən 40-45 yaş arası nurlu simanın yiyəsi adamı elə ovsunlayırdı ki, içində rahatlıq, dinclik tapırdın. Heç demə, sonralar elm ocağına başçı olacaq institut başçısı Övliyalar Ocağından imiş ! Bizi ovsunlayan, dinclik verən də bu Ocaqmış!
İllər sonra Qarabağ savaşında gerçəkdə cəsədimin də əsir düşməsi təhlükəsi ilə düşmən mühasirəsində olanda Allaha üz tutub Ocaqdan heç olmasa meyidimi düşmən əlində qoymamasını diləməyim yardımıma çatdı. Tanrım, Övliya Mirmövsüm ağanın yardımı ilə səsimi eşitdin, çox razıyam .Yenə Tanrıma ümidliyəm. Uşaq vaxtı “Ətağa cəddi” ən müqəddəs andımızdı. Yalandan atasını-anasını “öldürənlər” heç vaxt yalandan “Ətağa cəddi” deyə bilməzdi . Böyüklərimiz deyirdi ki, beliniz qırılar, diziniz bükülər yalandan Ocağa and içsəniz …
Acı da olsa gerçəkdir, mən Qarabağ uğrunda savaşda Ağdərədə ölüm-dirimlə,əsi-yesir düşmək təhlükəsi ilə üz-üzə qalanda Bakıda “işlər alimləri” 2 körpə uşaqlı ailəmə yataqxana otağını da çox görüb, sığınacağımızı AMEA-ya aid olmayanlara icarəyə veriblər . Elə indi də 30 illik mənzil növbəsi olan AMEA üzrə yeganə Qarabağ əlili Prezidentin də , hökumətin də , 20 “qoçunu” saxlamağa “deputatlığa namizədlik sözü” verən, lakin əlil olmuş bircə “qoçu”ya ikiotaqlı mənzili belə qıymayan institut rəhbərliyinin də yadından çıxıb. İndi Övliya Mir Mövsüm Ağa Ocağına üz tutub deyirəm :Ətağa cəddi, bizə Tanrıdan yardımçı ol! Bacın nəvəsi, Ocağının üzvü elm xadimi Akif Mirmehdi oğlunun 2 il qabaq 21 sentyabr 2015-ci ildə verdiyi sözü onun yadına sal .
Adımı bilirlər, İşlər idarəsi ha çalışır, şərik qoşa bilmir.
AMEA üzrə yeganə Qarabağ əlili
P.S. Deyilənə görə, müqəddəs aylarda edilən çağırışlar-dualar müstəcəb , yəni qəbul edilən olur . Allah orucumuzu, çağırışımızı qəbul etsin !
