İŞİD Əl-Qaidə terror təşkilatının döyüşçülərini sıralarına qatmaq üçün cəhdlərə başlayıb.
Bu məqsədlə İŞİD Cənubi Asiyada təbliğat kampaniyasına başlayıb. “Times”in İslamabaddakı müxbirinin sözlərinə görə, İŞİD Pakistanın Peşəvər və ətraf bölgələrində üzərinə zəfər yazılmış 12 səhifəlik broşüralar paylayıb. Broşüraların əsasən qaçqın düşərgələrində və Əfqanıstanda paylandığı bildirilir.
Qəzet İŞİD-in Cənubi Asiyada güclü təsir effekti buraxdığını yazıb. Talibandan qopan Camaat-ül Əhrar qruplaşmasının da İŞİD-ə dəstək verdiyi bildirilir.
Pakistan rəsmiləri İŞİD-in bölgələrdə adam yığmaları ilə bağlı məlumatlarının olduğunu və onların tezliklə məhv ediləcəyini açıqlayıb.
