“Ukrayna 350 il bundan öncə buraxdığı səhvini düzəltdi”.
Nr2.com.ua saytı xəbər verir ki, bu sözləri Ali Radada Avropa Birliyi ilə əməkdaşlığı nəzərdə tutan assosiyasiya müqaviləsinin ratifikasiyasından sonra çıxışında Ukrayna Baş naziri Arseni Yaçenyuk deyib.
Hökumət başçısı bildirib ki, sənədin altına bütün Ukrayna imza atıb:
“Üzücüdür ki, bu razılaşma böyük qanlar bahasına başa gəldi. Amma nə etmək olar? Azadlıq, müstəqillik və demokratiyaya gedən yolun qədəri budur. Hərbçilərimiz düşmənlə üz-üzədir və bütöv Ukrayna uğrunda vuruşurlar. Əmin olun ki, bu, Avropa yolunda atdığımız ilk addımlardır. İndi isə bizi bu sənədin uğurla və effektiv şəkildə reallaşdırılması gözləyir”.
Xatırladaq ki, bir qədər öncə Ukrayna prezidenti ölkəsi ilə Avropa Birliyi arasında əməkdaşlığı nəzərdə tutan assosiyasiya müqaviləsinə imza atıb.
