Avropa İttifaqı (Aİ) Komissiyasının sədri Ursula fon der Leyen, fosil yanacaqlara əsaslanan böyümə modelinin tendensiyasının keçdiyini söyləyib.
Elchi.az xəbər verir ki, Von der Leyen Avropa Parlamentində (AP) keçirilən “İnkişafdan kənar” konfransının açılışında çıxış edib.
“Qaz yanacaqlarına fokuslanan bir böyümə modeli artıq etibarlı deyil.” Von der Leyen iqtisadiyyatların sürətlə karbonsizləşdirilməsinin lazım olduğunu bildirdib.
Von der Leyen Avropa Yaşıl Sövdələşməni bu səbəbdən hazırladıqlarını xatırladaraq, təmiz enerjiyə əsaslanan dairəvi iqtisadiyyatın qurulmasının günümüzün ən mühüm iqtisadi problemlərindən biri olduğuna diqqət çəkib.
Avropa Yaşıl Müqaviləsinin yalnız iqlim dəyişikliyi ilə mübarizə və iqlim dostu qitəyə qayıtmaq planı olmadığını dilə gətirən von der Leyen, bunun həm də rifah, məsuliyyətli və davamlı iqtisadi böyümə modelini ehtiva etdiyini vurğulayıb.
“Yalnız dayanıqlı iqtisadiyyat uzunmüddətli perspektivdə güclü ola bilər. Yalnız dayanıqlı iqtisadiyyat daha sağlam və ədalətli sabah üçün sərmayə qoymaq üçün resurslara malik ola bilər”, – Leyen bildirib.
Davamlı iqtisadiyyatın təmiz texnologiyalar üçün araşdırma və inkişafı sürətləndirəcək alətlər istehsal edə biləcəyini və bunun sosial məqsədlərə töhfə verəcəyini ifadə edən von der Leyen, “Bu gün biz fosil yanacaqlı böyümə modelini geridə qoyuruq”,- ifadəsini işlədib.
Nuranə Məmmədova
