Söyün Sadıqov onun hərəkətlərinə etiraz əlaməti olaraq “AzərRos”dan getdiyini bəyan etdi
Bu gün Moskvada Rusiya Millətlər Assambleyasının iclasında qalmaqal yaşanıb.
Elchi.az Moderator.az-a istinadən xəbər verir ki, AzərRos Federal Milli-Mədəni Muxtariyatının fəxri prezidenti, Rusiya Millətlər Asambleyasının məsləhətçisi, Asambleyanın rəhbəri Svetlana Smirnovadan sonra çıxış edərək, kəskin bəyannamə edib ve Asambleyadan getməsini bildirib. Bunun səbəbini açıqlayaraq, Söyün Sadıxov qeyd edib ki, 17 yanvar tarixində keçirilmiş qurultaya Rusiyanın Federal Təhlükəsizlik Xidməti ve Daxili İşlər Nazirliyinin əməkdaşların müdaxiləsi və ayrı-ayrı milli siyasətə cavab verən məsul məmurların laqeyd yanaşmasına görə qurultayın baş tutmaması təhlükəsi yaranmışdı. Lakin buna baxmayaraq qurultay baş tutub.
Bundan sonra zalda əyləşən iclas iştirakçıları AzərRosun fəxri prezidenti Söyün Sadıqovun getməsinin əleyhinə çıxış edibler. Lakin Söyün Sadıqov bildirib ki, Rusiya tərəfi AzərRosda baş verənlər ilə bağlı sərt mövqe bildirməli idi, Azərbaycan cəmiyyətini dəstəkləməli idi. Bundan sonra Söyün Sadıqovun sözlərinə görə onun Asambleyada qalması qeyri mümkündür.
Lakin Söyün Sadıqov bildirib ki, Asambleyada onun çoxlu dostları və hörmət etdiyi insanlar var. Asambleyanın AzərRosun qurultayında baş verənlərə reaksiya verməməsi ictimaiyyətin öz hüquqlarını qorumağa qadir olmadığını göstərir. “Zənnimcə mənim Asambleyadan getməyim hamını Rusiya ictimai həyatında tutduğu yer ve apardığı rol barədə düşünməyə məcbur edəcək”-Söyün Sadıqov bildirib. Həmçinin o qeyd edib ki, öz milləti-azərbaycanlıları və vətəni Rusiyanı sevir ve heçkəsə imkan verməyəcək ki, onları ələ salsınlar.
Bunun ilə əlaqədar AzəRosun fəal üzvləri ilə əlaqə saxladıq. Hamı bir səslə Söyün Sadıqovun qəhramancasına atdığı addımını qeyd edərək onun doğru yola döndüyünü alqışlayırlar. Diasporun nümayəndələri qeyd edirlər ki,”qurultay iştirakçılarına qarşı Rusiya Federal Təhlükəsizlik Xidməti və Daxili İşlər Nazirliyi əməkdaşlarını göndərilməsi Abbas Abbasovun sifarişi və işinin olduğu hamıya artıq məlumdur. Abbas Abbasovun şəxsi maraqlarını milli maraqlardan üstün tutduğu artıq sirr deyil. Allah bizi,Rusiya azərbaycanlılarını onun əməllərindən qorusun. Qurultaydan sonra qurultay iştirakçılarına qarşı Rusiya hüquq-mühafizə orqanlarına şər, böhtan xarakterli məktublar göndərilir, bir çoxları quldurlar ilə hədələnir, o cümlədən Moskavada fəaliyyet göstərən Şəhriyar cəmiyətinin üzvləri, ağsaqqalar, yazıçılar və şairlərə hədə-qorxu gəlirlər. Amma biz Abbas Abbasovun aləti olmayacağıq”.
