Şimali Koreya lideri Kim Çen In sulatı qayıqdan ballistik raket sınağı keçirərkən bəyan edib ki, onun ölkəsi ABŞ-ın qitə ərazisini və Sakit okean zonasının operativ əməliyyatlar zonasını möhkəm şəkildə əlində saxlayır.
Avropa.info xəbər verir ki, bu barədə KXDR dövlət agentliyi məlumat yayıb. Kim Çen In deyib ki, raketin buraxılış texnologiyası mükəmməl səviyyəyə gətirilib. Bərk yanacaqda işləyən mühərrik, hədəfəalma sistemi və nüvə başlıqlarının hədəfi vurma dəqiqliyi lazımi səviyyəyə çatdırılıb.
Qeyd edək ki, bir neçə gün əvvəl ballistik raket sınağı keçirən Şimali Koreyanın raketi 500 km uçaraq, Yaponiya HHM məkanının 80 km dərinliyinə qədər getmişdi. Pxenyan bildirmişdi ki, qonşulara zərər verməmək üçün raketin yüksək bucaq altında uçuşu xüsusi olaraq seçilib.
