Avropa İttifaqı (Aİ) və ABŞ liderlərinin 27-ci zirvə toplantısının yekununda verilən birgə bəyanatda İsrailin üzləşdiyi hücumlara qarşı özünü müdafiə etmək hüququna malik olduğu bildirilib.
Elchi.az xəbər verir ki, birgə bəyanat Vaşinqtonda keçirilən və gündəmi İsrail-Fələstin münaqişəsinə həsr olunmuş ABŞ və Aİ liderlərinin 27-ci sammitindən sonra verilib.
İsrail-Fələstin münaqişəsi ilə bağlı bəyanatda HƏMAS-ın İsrailə hücumları ən sərt şəkildə pislənərək, “Heç bir şey terrora haqq qazandıra bilməz. Biz İsrailin beynəlxalq hüquq çərçivəsində bu hücumlara qarşı özünü müdafiə etmək hüququna malik olduğunu təsdiq edirik”,-qiymətləndirmə aparılıb.
Bəyanatda regiondakı tərəfdaşlarla sıx əməkdaşlığın olacağı bildirilib və aşağıdakı bəyanatlar verilib:
“Biz Qəzzada humanitar böhranın pisləşməsindən də narahatıq. Regional eskalasiyanın qarşısını almaq vacibdir. “Biz bütün girovların dərhal azad edilməsinə çağırırıq və iki dövlətli həllin davamlı sülhə aparan etibarlı yol olaraq qaldığına dair konsensusumuzu vurğulayırıq.”
Nuranə Məmmədova
