Elchi.az xəbər verir ki, NY Post-un məlumatına görə, amerikalı dizayner ilk at ayaqqabısı markasını təqdim edib.
The Shoe Surgeon akademiyasının məzunu, dizayner Markus Floyd atlar üçün idman ayaqqabılarının yaradılması üzrə ixtisaslaşacaq şəxsi Horse Kicks brendinin istifadəyə verildiyini elan edib. Floyd debüt kolleksiyası üçün Air Jordan 1, New Balance 650 və Yeezy BOOST 350 V2 kimi məşhur idman ayaqqabılarını yenidən təsəvvür etdi. Bu modellərin tanınan detalları saxlanıldı, lakin ayaqqabıların forması atın dırnaqlarına uyğunlaşdırıldı. Yeni nallar ilk dəfə 4 və 5 noyabrda Kentukkidə keçirilən Breeders’ Cup Thoroughbred yarışında sınaqdan keçiriləcək.
Markanın at sahiblərindən xüsusi sifarişlər alacağı bildirilir. Düzdür, “at nalı idman ayaqqabısı”nın qiyməti həmişəkindən qat-qat baha olacaq: bir atın ayağına taxmaq üçün təxminən 1200 dollar xərcləməli olacaqsınız.
Şayəstə
