ABŞ Azərbaycan və Ermənistana ATƏT-in Minsk qrupu da daxil olmaqla hərtərəfli sülhə nail olmağa kömək etməyə hazırdır.
Elchi.az xəbər verir ki, bunu ABŞ Dövlət Departamentinin mətbuat xidmətinin rəhbəri Ned Prays jurnalistlər üçün keçirdiyi brifinqdə deyib
“Biz Cənubi Qafqaz regionu üçün dinc, demokratik və firavan gələcəyə doğru irəliləməyə sadiq qalırıq. Aprelin 6-da Brüsseldə baş nazir Nikol Paşinyan və Prezident İlham Əliyev arasında görüşü, sülh danışıqlarını və sərhədlərin delimitasiyası üzrə ikitərəfli komissiyanın formalaşdırılmasına hazırlığın müsbət dinamikasını alqışlayırıq. Biz Ermənistan və Azərbaycan arasında sülh danışıqlarını təşviq etməyə davam edirik. Birləşmiş Ştatlar uzunmüddətli hərtərəfli sülhə nail olmaq üçün ölkələrə kömək etməyə hazırdır”, – deyə diplomat vurğulayıb.
Eyni zamanda bildirilib ki, ABŞ Rusiya Federasiyası ilə səfirliklər səviyyəsində müntəzəm şəkildə əlaqə saxlayır.
Qeyd edək ki, Rusiyanın xarici işlər naziri Sergey Lavrov Fransa və ABŞ-ın Minsk qrupu çərçivəsində Moskva ilə əməkdaşlıqdan imtina etdiyini açıqlamışdı.
