ABŞ-ın Sakit Okean donanmasının komandiri, admiral Harry Harris, Çinin Cənubi Çin dənizində süni quru parçaları meydana çıxdığını bildirib. Admiral Harris Avstraliyada bir yığıncaqda etdiyi çıxışında Çinin Cənubi Çin dənizində dənizi dolduraraq meydana gətirdiyi süni adaları “Çin Səddi”nə bənzədib. O, bunu “Qum Səddi” olaraq xarakterizə edib. Çinin mərcan adalarına qum doldurub üzərinə beton tökərək 4 kvadrat kilometrə böyük bir süni quru parçası meydana gətirdiyinə diqqəti çəkən Admiral Harris, bunun necə edildiyini detallı açıqlaya bilməyib.
ABŞ Milli Kəşfiyyat İdarəsinin direktoru Ceyms Clapper isə fevral ayında Senatın Silahlı Qüvvələr Komitəsində bildirmişdi ki, Çinin Cənubi Çin dənizində gəmiləri üçün yeni bir mərkəz tikir. Clapper Çinin son 1,5 ildə Cənubi Çin dənizindəki hərəkətlərinin və mübahisəli adalar yaxınlığında neft axtarış qərarı almasının “narahatlıqverici” olduğunu bildirib.
Senator Con Makkeyn də bir yığıncaqda Çinin işğalı altındakı Gavə Qayalıqlarını keçən il genişləndirməsinə dair peyk görüntülərini göstərib. Strateji və Beynəlxalq Araşdırmalar Mərkəzi (CSIS) isə Çinin Spratly adalarındakı Gavə Qayalıqlarında 2003-ci ildən hərbi birlik və qarnizon saxladığını bildirib. Həmçinin qeyd edilib ki, keçən il bölgədə böyük süni ada inşa edilib və ada üzərində zenit qülləsinə bənzəyən yeni bina tikilib.
