Rusiya-ABŞ münasibətlərinin hazırkı səviyyəsi Vaşinqtonun və bütün dünyanın mənafelərinə uyğun deyil
ABŞ-ın dövlət katibi Reks Tillerson Rusiya-ABŞ münasibətlərinin hazırkı durumunun Vaşinqtonun və bütün dünyanın mənafelərinə uyğun olmadığını açıqlayıb.
İstiPress-in məlumatına görə, dövlət katibi deyib ki, ABŞ ilə Rusiya münasibətləri soyuq müharibənin sonundan etibarən ən aşağı səviyyəyə çatıb.
“Çoxlarının bunu dünya üçün faydalı hesab etmədiyini düşünürəm. Xüsusilə də amerikalılar üçün, milli təhlükəsizliyimiz baxımından sözügedən əlaqələrin belə aşağı səviyyədə olması faydalı deyil. Bu vəziyyəti düzəldə biləcəyikmi? Buna baxacağıq. Düşünürəm ki, “münasibətlərin yenilənməsi” ifadəsi nadir hallarda istifadə olunur. Çünki keçmişi silib hər şeyi yenidən başlamaq çox çətindir. Biz münasibətlərə hazırda dayandığımız yerdən başlaya bilərik”, – NBC telekanalına müsahibəsində R.Tillerson belə deyib.
Dövlət katibinin sözlərinə görə, Rusiya və ABŞ, “prezident seçkiləri öncəsi müdaxilə” də daxil olmaqla, “geniş suallar dairəsi”ni müzakirə etməlidir.
