ABŞ Ukraynaya 89 milyon dollarlıq yardım edəcək.
Elchi.az bildirir ki, ABŞ Dövlət Departamenti bu məbləğin Ukraynada partlayıcı maddələrin zərərsizləşdirilməsi və humanitar yardım üçün ayrıldığını açıqlayıb.
“Nazirlik, Rusiyanın amansız müharibəsinin partlayıcı qalıqlarının yaratdığı təcili humanitar problemlərin öhdəsindən gəlməyə kömək etmək üçün 2022-ci maliyyə ilində Ukrayna hökumətinə 89 milyon dollar maliyyə ayırmaq niyyətindədir”, deyə qurumun məlumatında qeyd olunub.
Açıqlamada müharibə səbəbilə bir çox bölgədə aktiv mina və partlamamış sursat tapıldığı bildirilib.
Bəyanatda bu fikirlər də yer alıb: “Rusiyanın Ukraynaya qeyri-qanuni və əsassız müdaxiləsi ölkənin böyük hissələrini minalar, partlamamış hərbi sursatlar və əldəqayırma partlayıcı qurğularla doldurub. Ukraynada gördüyümüz kimi, rus aktyorlarının əldəqayırma partlayıcılardan qrotesk istifadəsi əvvəllər yalnız Suriyada İŞİD-lə əlaqəli idi. Bu partlayıcılar münbit əkin sahələrinə girişi maneə törədir, bərpa işlərini ləngidir, köçkün icmalarının öz evlərinə qayıtmasının qarşısını alır və günahsız Ukrayna vətəndaşlarını öldürməyə və ya şikəst etməyə davam edir. Ukrayna hökuməti 160 min kvadrat kilometr ərazinin təhlükəli ola biləcəyini hesab edir. Bu, təxminən Virciniya, Merilend və Konnektikut ştatlarının ümumi ölçüsünə bərabərdir”.
