ABŞ Rusiyaya kamikadze dronların tədarükü ilə əlaqədar İrana sanksiyalar tətbiq etməyə hazırdır.
Elchi.az xəbər verir ki, bu barədə ABŞ Dövlət Departamenti məlumat yayıb.
Məlumata görə, indi Vaşinqtonda PUA-ların Ukrayna vətəndaşlarına və mühüm mülki infrastruktura zərbələr endirmək üçün istifadə edildiyinə dair çoxlu sübutlar var:
“İran yalan danışmağa və Rusiyaya Ukraynada istifadə üçün silah verməsini inkar etməyə davam etdiyinə görə, biz təhlükəli silahların Rusiyaya ötürülməsinin qarşısını almaq üçün müttəfiqlər və tərəfdaşlarla işləmək niyyətindəyik. Biz bu daşımalarda iştirak edən bütün şəxslərə qarşı sanksiyalarımızı və digər müvafiq alətlərimizi tətbiq etməkdən çəkinməyəcəyik. Həmçinin Ukraynaya hava hücumundan müdafiə sistemləri də daxil olmaqla, görünməmiş təhlükəsizlik yardımı göstərməyə davam edəcəyik”.
