Rusiya regionda nüfuzunu qorumaq üçün Qarabağ kimi həll olunmamış münaqişələrdən xarici və regional siyasət aləti kimi istifadə edir.
Bu sözləri ABŞ-ın Avropada NATO Qüvvələrinin baş komandanı, general Filipp Bridlav deyib.
Generalın sözlərinə görə, Moskva Ermənistanda hərbi qüvvəsini artıraraq regionda qeyri-sabitliyi gücləndirir.
“Bu cür siyasət Qafqazda sülhə nail olmaq üçün ən böyük maneədir. Əslində, təmas xətti boyunca və Ermənistan-Azərbaycan sərhədində zorakılıq son iki ildə xeyli artıb. 2015-ci il isə 1994-cü ildə atəşkəs elan edildikdən sonra münaqişənin davam etdiyi dövr ərzində ən çox ölüm halı qeydə alınan il olub”, – Bridlav qeyd edib.
Xatırladaq ki, ABŞ Milli Kəşfiyyat İdarəsinin direktoru Ceyms Klapper də Qafqazda gərginliyin arta biləcəyini qeyd edib.
