Ankarada naməlum şəxs ABŞ səfirliyi qarşısında atəş açıb.
Polis əməliyyat keçirərək naməlum şəxsi saxlayıb.
ABŞ Dövlət Departamentindən verilən açıqlamada insident nəticəsində yaralanan olmadığı bildirilib:
“İnsident nəticəsində zərərçəkən olmayıb. Türkiyə hüquq-mühafizə orqanlarının əməkdaşları atəş açan şəxsi saxlayıb. Hazırda araşdırma aparılır”.
Qeyd edək ki, bu hadisədən bir neçə saat sonra ABŞ-ın Ankaradakı səfirliyi bağlanıb.
Bu barədə ABŞ-ın Türkiyədəki səfirliyinin Tvitter hesabında məlumat verilib.
Qərar Rusiya səfirinin öldürülməsindən sonra qəbul edilib.
“ABŞ-ın Ankaradakı səfirliyi, eləcə də İstanbul və Adanadakı konsulluğu bu gün bağlıdır və normal iş fəaliyyəti aparmayacaq”, – məlumatda bildirilib.
Qeyd edək ki, ötən gün Ankarada Rusiyanın Türkiyədəki səfiri Andrey Karlov qətlə yetirilib.
