ABŞ-ın sahib olduğu gizli raketlə bağlı məlumat ortaya çıxıb.
Cebhe.info xəbər verir ki, bu barədə “The Wall Street Journal” ABŞ administrasiyasında yüksək vəzifə tutmuş şəxsə istinadən yazıb.
Məlumata görə, ABŞ hökuməti “R9X” yüksəkdəqiqlikli raket hazırlayıb. Bu raket partlayış olmadan da məqsədə çata bilir.
Silahın çəkisi 45 kiloqram, uzunluğu 1,5 metrdir. Qəzetin yazdığına görə, raket “Hellfire”in modifikasiyasıdır. Döyüş başlığı yerinə böyük kəsici daşıyır və o, toqquşmaya bir neçə saniyə qalan çıxır.
O da bildirilir ki, raketdən olduqca nadir hallarda istifadə olunur. Administrasiya rəsmisi qeyd edib ki, sözügedən texnologiyanın istifadəsi dinc əhali arasında zərəri və ölü sayının kəskin azalmasına səbəb olur.
2011-ci ildə etibarən silahın işlənib hazırlanmasına başlanılıb. Ondan indiyədək iki dəfə istifadə edildiyi vurğulanıb – 2017-ci ilin fevralında İdlibdə və 2019-cu ilin yanvarında terrorçuların zərərsizləşdirilməsində.
