Bəşər Əsəddən sonra Suriyada ABŞ və İsrailə qarşı qrupların hakimiyyətdə olmasından qorxan Vaşinqton Barak Obamanın keçmiş müşaviri Filip Qordonun 2012-ci ildə hazırladığı “Şiddətin azaldılması və məsuliyyətin bölünməsi” (Deescalation and Decentralization) planını tətbiq etməyə başlayıb.
Bu barədə Türkiyə iqtidarına yaxın “Yeni Şəfəq” qəzeti məlumat yayıb.
Qordon planına görə, Suriyanın şimalında kürd dövləti yaradılacaq. Həma, Xüms, Hələb və Dəməşqi əhatə edən ərazilər isə Əsədin olacaq. İŞİD-in nəzarətindəki bölgələr geri alındığı zaman beynəlxalq koalisiyanın ixtiyarına verilcək.
Bu plan Türkiyənin Ərəb dünyası ilə əlaqəsini kəsmiş olacaq.
Sözügedən planı Rusiya və İranın qəbul etdiyi, Suriya müxalifətinin isə ona qarşı çıxdığı bildirilir.
Qeyd edək ki, Filip Qordon 2013-2015-ci illərdə Obamanın müşaviri olub. Bundan əlavə, Ağ Evin Yaxın Şərq, Şimali Afrika və Körfəz ölkələri üzrə koordinatoru vəzifəsində çalışıb.
