ABŞ-ın Vaşinqton ştatında baş verən atışma nəticəsində qadın və körpə uşaq ölüb.
APA-nın “Fox News”a istinadən verdiyi məlumata görə, hadisə şənbə günü yerli vaxtla saat 02.00-da baş verib.
Hadisə yerinə gələn polis əməkdaşları qadın meyitini və ağır vəziyyətdə olan uşağı tapıblar. Uşaq xəstəxanaya çatdırılsa da, onun həyatını xilas etmək mümkün olmayıb.
Atışma zamanı daha bir nəfər yaralanıb. Həmin şəxs əməliyyat olunub. Onun vəziyyəti ağırdır.
