Obama hakimiyyətdə olduğu vaxtda ABŞ-ın İraqa genişmiqyaslı hücumu baş tutmayacaq.
Axar.az xəbər verir ki, bunu “RİA-Novosti”yə açıqlamasında rusiyalı ekspert Aleksey Arbatov söyləyib. Onun sözlərinə görə, Obama eks-prezident Buşun səhvinə yol verməyəcək: “Obamanın dövründə belə bir fakt mümkünsüzdür. Lakin yeni seçiləcək respublikaçı prezidentin dövründə belə bir hadisə baş verə bilər. Amma bu, 2003-cü ildəki kimi İraqa geniş müdaxilə olmayacaq”. Xatırladaq ki, ABŞ-ın yeni prezidenti olacaq respublikaçı namizədin Yaxın Şərqdəki konflikt ocaqlarına quru əməliyyatları ilə girmək barədə qərar verəcəyi tez-tez mediada hallandırılır. Hazırda İraqda 4500 Amerika hərbçisi var. Bu hərbçilərin əksəriyyəti təlimçi və məsləhətçi tipində İraqda fəaliyyətini davam etdirir.
