ABŞ administrasiyası Şimali Koreya lideri Kim Çen Inı Rusiya prezidenti Vladimir Putinə səfərindən əvvəl “Moskvaya silah verməməyə” çağırıb.
Elchi.az xəbər verir ki, Ağ Evin Milli Təhlükəsizlik Şurasının sözçüsü Adrienne Watson Kimin Rusiyaya səfərindən əvvəl Yonhap Xəbər Agentliyinə açıqlama verib.
Kim və Putinin görüşündə potensial silah razılaşmasının gündəmdə olacağını vurğulayan Watson, “Şimali Koreyanı Pxenyanın Rusiyaya silah tədarük etməməsi və satmamaq üçün açıq öhdəliklərinə əməl etməyə çağırırıq” dedi.
Kremldən verilən yazılı açıqlamada Şimali Koreya lideri Kimin Rusiya prezidenti Putinin dəvəti ilə Rusiyaya səfər edəcəyi bildirilib.
Şimali Koreya lideri Kim Çen Inın bazar günü günortadan sonra Rusiyaya getmək üçün zirehli qatarı ilə Pxenyanı tərk etdiyi bildirilir.
Kim sonuncu dəfə 2019-cu ildə Rusiyaya səfər edib və Putinlə Vladivostokda görüşüb.
Şayəstə Hüseynova
